احم اول شي اسفه طولت عليكم بالموضوع وايد لان انشغلت بالامتحانات والجامعه 
المهم نكمل الاسبوع الثالث مع دايت سنتر
بالصوره الاولى باستا اللحم والخضار والمعكرونه : زوينه بس ثقيله وايد فيها كريمه وناقصها بهارات
هالكيكه نسيت اسمها يا كيكه التمر يا كيكه انجليزيه: المهم انه اثنينهم ناطعييييين
صمونه قشقوان :عاديه
بيتزا مارغريتا: خفيفه تذكريني ببيتزا مخبز الرحى 
مجبوس لحم :صج مو نفس مجبوس الوالده وما يطيب الخاطر بس لا باس فيه ,هذا الاكل الصحي شنسوي بعد 
سلطه افوكادو :خفيفه وماصخه نوعا ما 
شوربة تورتيلا الدجاج :حبيتها الي يحبون المالح بتعجبهم
دجاح بالسمسم على الطريقه الصينيه : احبه لذيذ
كيك اوبرا: خفيفه 
مناقيش جبنه: مناقيش الزعتر ألذ من الجبن
سلطه الشيف: لذييييذه طلبتها اكثر من مره 
لحم على الطريقه الصينيه : نص ونص 
كاسترد ككاو: لذييييذ انا الي ما احب الكاسترد كليته 
اسكالوب دجاج محشي بالتيركي والجبنه: لذيذ لذيذ لذيذ صج تحسفت اني نزلت الكلوريز لي 1000 -العشاء يصير نص الكميه اذا 1000 كالوري 
صمونه تيركي: عاديه
مرق دجاج بصلصه الرمان: اي شي فيه رمان اختاروه وانتوا مغمضين لذيييذه 
صمونه خضار مشويه: عاديه اتوقع لو الافوكادو مسوينه
يصير ألذ guacamole 
كلير أناناس: خفيفه بس طبعا الككاو ألذ 
سيخ ثمار البحر: ربيان وسمج مع صلصه طماط لذيذ
اومليت بالجبنة: والله مادري شقول لكم …طعمه بيض وجبن 
سلطه منوعه: لذييذه بس وصلتني مع شمندر مع اني كاتبه لهم ما احب الشمندر 
باستا الروبيان بالصلصه البيضاء: نااطعه بس الكميه واااايد واايد كبيره 
كرات الككاو: ضروري يبلشون يبيعونه بالجمعيات لذييذ احبه 
صمونه حلوم: عاديه حلاته بدل الخيار حاطين زعتر او زيتون 
سمك مشوي بصلصه الاعشاب: حده ناطع حبييته 
كعك الجبن بالفراوله:
حلو طعمه
واخر شي فطيره التيركي :خفيفه
بالاسبوع الثالث الحمدالله نزلت كيلوين و100 غرام عوضت الي ما حرقته بالاسبوع الثاني …بس اكيد مع رياضه يوميا مو اقل من ساعتين
الكميه الي تشوفونها بالصوره عباره عن 1000 كالوري باليوم يعني العشاء نص الكميه المعتاده و هالشي انتوا مع الاخصائيه تحددونه اذا حسيتوا كميه الاكل كبيره بالنسبه لكم
Filed under: diet, food, health, Kuwait, Personal, reviews
