@dietcenterkw last week

الاسبوع الاخير مع دايت سنتر سافرت العمره ووقفت اكثر من مره وصار لخبطه بالوجبات وما نزلت حتى ربع كيلو

وبصراحه انا ما جربت غيرهم فما اقدر اقارنهم مع الشركات الثانيه من ناحيه الطعم والخدمه بس من ناحيه السعر الي لاحظته يعتبرون الاغلى

خلصت الاشتراك شهر 2 و نزلت بحدود 4 كيلوات والحمدالله وزني ثابت لي الحين اذا كلش كلش ازيد نص كيلو وارد انزله بس مو معناته اني ماخذه راحتي بالاكل بالعكس عدلت من اكلي

الي عجبني:

-كل الاكل البحري الي ذقته لذييييذ والاهم ما فيه زفره

-اي طبق مع طحينه لذيذ ضروري تجربونه

-كل انواع الحلويات الي جربتها كانت لذيييذه

-عندهم اكثر من نوع اشتراك لمرضى السكري والحوامل او الي فيهم كوليستيرول وغيرهم

-خدمتهم فوق الممتازه يتابعون معاكم حتى بعد ما تخلصون

-الاكل يوصل فريش وبالوقت

-المنيو منوع ماتدرون شنو تختارون وشنو تخلون

الي ما عجبني:

-اذا بتغيرون المنيو لازم تكلمونهم قبله بيومين اقل شي يعني مو flexible

-اكثر من مره كانوا يحطون لي مشروم او بصل مع اني كنت أحرص عليهم ما يحطون

-كميه الاكل حيل كبيره بالنسبه لي وكان الاكل يزيد مع اني بس 1000 كالوري

-لما قللوا الكالوري من 1200 لي 1000 بس العشاء الي صار نص الكميه والغداء الصحن متروس ,بالنسبه لي كان الافضل لو يقللون من كل الوجبات مو بس العشاء

-الطبق الوحيد الي كلش ما عجبني وما قدرت اكمل لقمتي اهوا (مدفونه الشعيريه بالدجاج )

-العصير كيدي دي, كان ودي يكون فريش بدال ما اشرب سكر وألوان صناعيه وكنت اختار لبن بداله ونفس الشي بالنسبه لروب الفواكه المعلب متروس سكر ومواد حافظه

-الي صج ما حبيته واتمنى يغيرون هالشي ان اغلب الاطباق كانت مع عيش ابيض خبز ابيض صمون ابيض معكرونه بيضه, المفروض بما انه اكل صحي يكون كل شي اسمر , صح نفس الكالوري بس الاسمر فيه الياف اكثر وأفيد وألذ

بالاخير هذا رأيي الشخصي والي ما عجبني يمكن يعجبكم الناس اذواق :)

بوستات : الاسبوع الاول , الاسبوع الثاني , الاسبوع الثالث

Special thanks to my lovely dietitian Faten Gharzeddine وAbdullah Al-Mansour & Rachel Azar