مبـــــارك عليكــــــم مــا تبقـــى مــن الشهــــر وعساكـــــم مـــن عـــــــــواده
كل رمضان يمر علينا ننطر القرقيعان عشان نشوف فناتق اهلنا وحبايبنا
ويا حلو القرقيعان الكبير يستانس أكثر من الصغير
هالسنه قرقيعانا على بومه 
تقدرون اطبقون الفكره حق هدايا يهال مو شرط بس قرقيعان وحيل سهل ومايكلف شي وكل اليهال استانسوا عليه
الأغراض الي تحتاجونها
جياس بنيه مع ورق تقديم أبيض: تحصلونهم عند محلات البلاستيك الي بسطرت سوق التمور
عيون صغيره تتحرك: تحصلونهم عند مكتبه جرير
ستيكرز ابيض دائري مقاس 3 ب 3 سانتي : تحصلونه عند مكتبه جرير
ستيكرز ازرق دائري مقاس 5 ب 5 سانتي : طبعناهم بخدمه الطالب
الطريقه بوضحها بالصوره احسن من الشرح
اول شي شي عبيت الجيس بالقرقيعان -
لزقت الورقه البيضا بالنص بعدين سكرت الجيس بنفس الطريقه الي وضحتها بالصوره تحت 
العيون, لزقت الاستيكرز الابيض على الازرق وفوقهم العيون الي تتحرك ,لزقتهم كلهم مره وحده عشان الشغل يصير اسرع
وطبعا اخر شي نثبت العيون على الجياس
جربت اركب رموش شكله صار كيوت بس ما يثبت حسافه يطيح اذا حصلتوا نوعيه زينه جربوا تحطون
Filed under: DIY, food, for kids, Islam, Kuwait, Muslims, Ramadan 
